भारत र भुटानका प्रधानमन्त्रीले रवि लामिछाने र बालेनलाई दिए जितको बधाई

नेपाल दर्पण, काठमाडौं

भारतका प्रधानमन्त्री नरेन्द्र मोदी र भुटानका प्रधानमन्त्री छिरिङ तोब्गेले रास्वपाका सभापति रवि लामिछाने र वरिष्ठ नेता बालेनलाई टेलिफोनमार्फत विजयका लागि बधाई दिएका छन । सामाजिक सञ्जाल एक्समा भारतीय प्रधानमन्त्री मोदीले दिएको बधाई सन्देशमा बालेनले धन्यवाद व्यक्त गरेका हुन् । नेपाल र भारतबीच घनिष्ठ तथा बहुआयामिक सम्बन्धलाई परिणामुखी बनाउन सहकार्य गर्ने विश्वास बालेनले व्यक्त गरेका छन् । ‘नेपाल–भारतबीच विद्यमान ऐतिहासिक, घनिष्ठ तथा बहुआयामिक सम्बन्धलाई आगामी दिनहरूमा अझ सुदृढ, प्रगाढ र परिणाममुखी बनाउन हामी सँगै सहकार्य गर्ने विश्वास व्यक्त गर्दछु,’ धन्यवाद व्यक्त गर्दै बालेनले भनेका छन् ।

यस्तै, भुटानका प्रधानमन्त्री तोब्गेले मंगलबार सामाजिक सञ्जालमार्फत उनले चुनाव सफल भएकामा सबै नेपाली जनतालाई पनि बधाई दिएका छन् । यस क्रममा उनले भुटान र नेपालबिचको मित्रता अझ गाढा बनाउन तयार रहेको पनि उल्लेख गरेका छन् । ‘नेपालको आम निर्वाचनमा ठुलो विजय हासिल गर्नुभएमामा श्री बालेन शाह र श्री रवि लामिछानेलाई बधाई छ । साथै सफल चुनावका लागि म नेपाली जनतालाई पनि बधाई दिन्छु’, भुटानका प्रधानमन्त्री तोब्गेले लेखेका छन्, ‘दुईदेशबिचको गहिरो मित्रता अझ प्रगाढ बन्ने आशा छ ।’