जेन–जी अभियन्ता मिराज ढुङ्गानाले मागे प्रधानमन्त्री सुशीला कार्कीको राजिनामा
नेपाल दर्पण, काठमाण्डौ ।
जेन–जी अभियन्ता मिराज ढुङ्गानाले प्रधानमन्त्री सुशीला कार्कीको राजिनामा मागेका छन । जेन–जी अभियन्ता प्रकाश शर्माको रिहाइको माग गर्दै जिल्ला प्रहरी परिसर काठमाडौं पुगेका ढुङ्गानाले अन्तरिम सरकार हाइज्याक भएर असफल भएको दाबी गर्दै कार्कीले राजीनामा दिनुपर्ने बताएका हुन ।
‘आन्दोलनपछि बनेको सरकारले पनि विकास गर्न सक्दैन भने कसैले सक्दैन । त्यही भएर आन्दोलनको बेइज्जत नगरिदिनुहोस् प्रधानमन्त्रीज्यू, तपाईं बरु सक्नुहुन्न भने राजीनामा दिनुहोस्,’– ढुङ्गानाले भने । ढुङ्गानाले अन्तरिम सरकार जेनजी आन्दोलनको आधारमा बनेको भए पनि आफूहरूको माग सम्बोधन नगरेको बताए । प्रधानमन्त्री कार्कीलाई जेन–जी आन्दोलनको अपमान नगर्न उनले आग्रह गरे । जेन–जी अभियन्ता ढुङ्गानाले पुराना दलका सरकारमा दलका नेताहरुको पुनरागमन हुने सम्भावनाप्रति चिन्ता व्यक्त गरे ।लकार्की नेतृत्वको अन्तरिम सरकार पुरा असफल भएको उनको तर्कछ ।
