सागर ढकाल रवि लामिछाने नेतृत्वको रास्वपामा प्रवेश
नेपाल दर्पण, काठमाण्डौ ।
सागर ढकाल रवि लामिछाने नेतृत्वको रास्वपामा जोडिएका छन् । सामाजिक अभियन्ता र स्वतन्त्र युवा राजनीतिज्ञको छवि बनाएका उनी आज रास्वपाको केन्द्रीय सदस्यमा मनोनित भएका हुन् । उनले रास्वपामा प्रवेश गर्नेबित्तिकै उनले अबको २५ वर्षमा नातिनातिनीहरुलाई एक सुन्दर र सम्पन्न नेपाल बनाउने उद्देश्यका साथि अगाडि बढ्ने प्रण गरेका छन् । उनले देशको कायापलट गर्नुपर्ने भन्दै त्यसकोलागि समय नभएको भन्दै सबैले मिलेर काम गर्नुपर्ने सुझाएका छन् ।
रास्वपामा जाडिएपछि उनले सामाजि सञ्जालमा लेखेका छन, आज जिन्दगीमा पहिलोपल्ट मनमा पशुपतिनाथलाई सम्झँदै पार्टीमा जोडिएको छु, रास्वपामा जोडिएको छु। कालो अँध्यारो कोठामा पनि भगवानको बास हुन्छ भन्ने विश्वास गर्छु । जानाजान गल्ती गर्ने छैन । सकेको प्रयास गर्नेछु । अबका २५ वर्षमा नातिनातिनाहरूलाई एक सुन्दर, सम्पन्न नेपाल बनाउने उद्देश्यका साथ अगाडि बढ्नेछु । अब ठुलो सोचका साथ आगामी पुस्ताहरु र मेरो देश भनेर सोच्नुपर्नेछ । देशको कायापलट गर्नुपर्नेछ । सजिलो छैन र समय छैन, आउनुहोस् मिलेर गरौँ ।
