रास्वपाबाट समानुपातिक बन्दसूचीमा समावेश ५ जनाले लिए नाम फिर्ता

नेपाल दर्पण, काठमाण्डौ ।

धेरै विवाद भएपछि रास्वपाबाट समानुपातिक बन्दसूचीमा समावेश ५ जनाले लिए आफ्नो नाम फिर्ता लिएका छन । पार्टीको समानुपातिक बन्दसूचीमा समावेश ५ जना उम्मेदवारले आफ्नो नाम फिर्ता लिएका हुन् । कुलमान कोटाबाट डा महेन्द्र लावती र त्रिशाला गुरुङ तथा बालेन कोटाबाट सचिन ढकाल, आशिफ शाह र टासी ल्हाक्पा शेर्पाले उम्मेदवारी फिर्ता लिएका छन ।

समानुपातिक सूचीलाई लिएर रास्वपाभित्र विवाद चर्किँदै गएको बेला सभापति लामिछानेले निर्वाचन आयोगले दिएको समयसीमाभित्र सूची सच्याइने बताएका थिए । रास्वपाको समानुुपातिक उम्मेदवारलाई लिएर प्रश्न उठेपछि रविले जनताले नचाहेका र समानुुपातिकको भावना विपरित कसैको नाम परेको भए आफू १० जनाभन्दा धेरैको नाम काट्न समेत तयार रहेको बताएका थिए । रविको यो अभिव्यक्ती आएको केही घण्टा नबित्दै धमाधम जसलाई लिएर प्रश्न उठेको थियो उनीहरुले उम्मेदवारी फिर्ता लिएको घोषणा गर्न थालेका हुन् ।

काठमाडौंका मेयर बालेन साह रास्वपामा आउने सहमतीपछि सभापती रवि लामिछानेले फेसबुुकमा लेखेका थिए, सहमति भनेको नेताले खोजेको जस्तो होइन, देशलाई चाहिएको जस्तो हुनु पर्छ । पछिल्लो समय रविले यो भनाईलाई चरितार्थ गर्दैै लगेका छन् ।