डा. निकोलस भुसालसँग वार्ता गर्न वार्ता समिति गठन

नेपाल दर्पण, काठमाडौं ।

पुस ८ गतेदेखि काठमाडौँको माइतीघर मण्डलामा आमरण अनसनमा बसेका डा. निकोलस भुसालसँग वार्ता गर्न सरकारले वार्ता समिति गठन गरेको छ ।

प्रधानमन्त्री सुशीला कार्कीका प्रमुख सल्लाहकार अजयभद्र खनालको नेतृत्वमा जनसम्पर्क सल्लाहकार गोविन्द तिमिल्सिना, प्रधानमन्त्री तथा मन्त्रिपरिषद्रु कार्यालयका सहसचिव डा. भीष्मकुमार भूसाल र काठमाडौँका प्रमुख जिल्ला अधिकारी इश्वरीराज पौडेल सदस्य रहेको समिति गठन गरिएको हो ।

मुलुकमा विद्यमान भ्रष्टाचार नियन्त्रण गरी सुशासन कायम गर्नुपर्ने, जेन–जी विद्रोहमाथि भएको दमनमा संलग्नहरूलाई कारबाही गर्नुपर्नेलगायतका माग राख्दै भुसालले अनसन सुरु गरेका हुन् । उनको स्वास्थ्य अवस्था नाजुक भएपछि अस्पतालमा भर्ना गरिएको छ ।