राप्रपाका वरिष्ठ उपाध्यक्ष रवीन्द्र मिश्र रिहा

नेपाल दर्पण, काठमाण्डौं ।

राप्रपाका वरिष्ठ उपाध्यक्ष रवीन्द्र मिश्र रिहा भएका छन । काठमाडौं जिल्ला अदालतले ३ लाख रुपैयाँ धरौटीमा छाड्न आदेश दिएको हो । न्यायाधीश तारादेवी महर्जनको इजलासले तीनकुने घटनाका आरोपी मिश्रलाई धरौटीमा छाड्न आदेश दिएको अदालतका सूचना अधिकारी दीपककुमार श्रेष्ठले जानकारी दिए ।

मिश्रमाथि राज्यविरुद्धको कसुर, आपराधिक उपद्रव, संगठित अपराध र एकीकृत कसुरमा मुद्दा दर्ता भएको थियो । गत चैत १५ गते काठमाडौंको तीनकुने घटनाका आरोपी राप्रपा महामन्त्री शवलशमशेर राणा भने सोमबार साँझ ३ लाख धरौटीमा रिहा भइसकेका छन् । प्राविधिक रूपमा प्रहरीको फरार सूचीमा रहेका मिश्र मंगलबार आफैं अदालत उपस्थित भएका थिए । सोही घटनाका एउटै अभियोग लगाइएका राप्रपाका महामन्त्री धवलशमशेर जबरा पनि सोमबार तीन लाख धरौटीमा छुटेका छन् । तीनकुनेमा भएको राजावादीको हिंसात्मक प्रदर्शनका योजनाकार मानिएका दुर्गा प्रसाईं भने पुर्पक्षका लागि कारागार चलान भइसकेका छन् ।

मिश्र र राणा धरौटीमा छुटे पनि सोही घटनाका योजनाकार मानिएका दुर्गा प्रसाईं भने अदालतको आदेशबाट पुर्पक्षका लागि थुनामा गएका छन् । चैत १५ को आन्दोलन अराजक भएपछि प्रसाईं, धवलशमशेरसहित भागेपछि मिश्र भने फिल्ड कमान्डरका रूपमा उत्रिएका थिए । चैत १५ मै पक्राउ परी काठमाडौं जिल्ला अदालतबाट लगातार म्याद थप भएपछि मिश्र श्रीमती शारिका कार्कीको बन्दीप्रत्यक्षीकरण रिटमा सर्वोच्चको आदेशबाट जेठ २ गते रिहा भएका थिए । रिहा भएपछि उनी प्रहरीसमक्ष हाजिर हुन नजाँदा ५० हजार जरिबाना तिरेका थिए ।