कुलमान घिसिङ उज्यालो नेपालका नायक हैनःउर्जामन्त्री दीपक खड्का

नेपाल दर्पण, काठमाडौं ।

उर्जामन्त्री दीपक खड्काले नेपाल विद्युत प्राधिकरणका प्रवन्ध निर्देशक कुलमान घिसिङ उज्यालो नेपालका नायक नभएको बताएका छन् । उनले अहिलेपनि नेपालमा साँझको समय घरमै लोडसेडिङ हुने अवस्था रहेको बताए ।

उनले भारतबाट आयत गरिएको विद्युत र निजी क्षेत्रको कारढा लोडसेडिङ हटेकोजस्तो अनुभूति भएको दाबी गरे । उनले भने,‘हिजो पनि लोडसेडिङ थियो, आजपनि छ । हिजो पनि उद्योगधन्दातिर बत्ति कटौति गरेर घरतिर दिने काम गरिएको थियो, आज पनि त्यही छ । अहिले पनि ८२५ मेगावाट विद्युत् भारतबाट आयात भइरहेको छ, ‘हामीसँग पुगनपुग १ हजार मेगावाट विद्युत् छ । अब साँझको समय घरमै पनि लोडसेडिङ हुने अवस्था छ । निजी क्षेत्र र भारतबाट आयात गरेको विद्युत्ले गर्दा लोडसेडिङ हटेजस्तो अनुभुति भएको छ ।’

कार्यकारी निर्देशक घिसिङ उद्योगका लाइन काटेर घरमा विद्युत दिएर लोडसेडिङ अन्त्य भएको हल्ला फैलाएको मन्त्री खड्काले आरोप लगाएका छन् । ‘सरकारको शतप्रतिशत लगानी रहेको विद्युत प्राधिकरणले ७०० मेगावाट मात्रै उत्पादन गरेको छ । २८०० मेगावाट विद्युत निजी क्षेत्रले उत्पादन गरेको छ । त्यसकारण उज्यालोको नायक भनेको उहाँ होइन है । बरु यो धन्यवाद भारतलाई दिऊँ निजी क्षेत्रलाई दिऊँ ।’

मन्त्री खड्काले प्राधिकरण नाफा गएको भने पनि महालेखापरीक्षकको कार्यालयको प्रतिवेदनमा २ खर्ब रुपैयाँभन्दा बढी घाटा देखिएको बताए । प्राधिकरण नाफामा रहेको भनी गरिएको दावीमा कुनै सत्यता नभएको उनको तर्क छ ।