बस दुर्घटना हुँदा ३० जनाभन्दा बढी यात्रु घाइते

नेपाल दर्पण, काठमाडौं ।
यात्रु वाहक बस दुर्घटना हुँदा ३० जनाभन्दा बढी यात्रु घाइते भएका छन् । धनुषाको धनुषाधाम नगरपालिका–६, मालटोलस्थित पूर्वपश्चिम लोक मार्गमा उक्त बस दुर्घटनाग्रस्त भएको हो । जनकपुरबाट राजविराजतर्फ गइरहेको १४४१ नम्बरको बस आज विहान ९ बजे दुर्घटना भएको इलाका प्रहरी कार्यालय ढल्केबरले जनाएको छ

दुर्घटनामा परेर घाइते भएकाहरूको उद्धार गरी उपचारका लागि विभिन्न स्वास्थ्य केन्द्रमा पठाइएको छ । हालसम्म घाइतेहरूको विवरण सङ्कलन गरिसकिएको छ । ६ जनालाई गम्भीर चोटपटक लागेको बताइएको छ । घाइतेहरूको उपचार ढल्केबरस्थित निजी स्वास्थ्य केन्द्र र प्रादेशिक अस्पताल जनकपुरमा भइरहेको बताइएको छ ।अन्य घाइतेलाई सामान्य चोटपटक लागेको छ ।