राजावादीको जनप्रदर्शनले चाँडै नै हिन्दुराष्ट्र र राजसंस्था फर्कने संकेतः राप्रपा

नेपाल दर्पण, काठमाडौं ।

राप्रपा नेपालले पूर्वराजाबाट सहयोगको निम्ति गरिएको आह्वानलाई जनताले अनुमोदन र आत्मसात् गरेको निष्कर्ष निकालेको छ । सोमबार बसेको राप्रपा नेपालको केन्द्रीय कार्य सम्पादन समितिको बैठकले यस्तो निष्कर्ष निकालेको हो । बैठकले फागुन २५ गते काठमाडौंमा देखिएको जनप्रदर्शनले चाँडै नै हिन्दुराष्ट्र र राजसंस्था पुनस्र्थापना हुने सुस्पष्ट संकेत गरेको ठहर गरेको छ ।

पार्टीका महामन्त्री तथा सचिवालय प्रमुख राजाराम बर्तौलाद्वारा जारी विज्ञप्तिमा अब केही समयका लागि एक्लाएक्लै आन्दोलन गर्ने मनस्थिति परित्याग गर्नसमेत अनुरोध गरिएको छ । सर्वपक्षीय सहमतिका आधारमा सबै विचार र शक्तिहरू अटाउने मौलिक प्रजातान्त्रिक प्रणाली स्थापना गर्न अब ढिलो गर्नु नहुने भन्दै सो पार्टीले जनचाहना र भावनालाई दमन वा उपेक्षा गर्ने प्रयास गरिए अप्रिय दुर्घटना हुने चेतावनी दिएको छ ।

यस्तै, राप्रपाका महामन्त्री तथा आन्दोलन परिचालन समितिका संयोजक डा धवलशमशेर राणाले पूर्वराजा ज्ञानेन्द्रलाई नेपाली जनताले विमानस्थलबाट निर्मलनिवास पु¥याएपछि गणतन्त्रवादीको ‘मुटु हल्लिएको’ दाबी गरेका छन् । साथै उनले राजालाई अब चाँडै नै राजगद्दीमा राख्ने उद्घोषसमेत गरे । ‘राजालाई जनताले काठमाडौं एयरपोर्टबाट निर्मलनिवास लगेको देखेपछि गणतन्त्रवादी, संघीयतावादी र धर्म निरपेक्षतावादीहरुको मुटु हल्लिएको छ । अब राजालाई राजगद्दीमा फर्काउने धेरै समय छैन,’ राप्रपा महामन्त्री राणाले सोमबार राप्रपाद्वारा आयोजित मोटरसाइकल ¥यालीलाई सम्बोधन गर्दै भने ।

राजसंस्था सँगसँगै बेचेर खाएको धर्म, संस्कृति पनि पुनःस्थापना गर्ने राणाले बताए । १४ अरब रुपैयाँ खाएर हाम्रो धर्म, रीतिरिवाज बेचेको, भ्रष्टाचार भएको कुरा अमेरिकी राष्ट्रपतिको भनाइबाट पुष्टि भएको उनले बताए । प्रतिनिधिसभा सदस्यसमेत रहेका राणाले उपस्थित जनसमुदायलाई काठमाडौं केन्द्रित आन्दोलनमा भाग लिन चैत्रमा राजधानी आउन आमन्त्रण गरे ।कार्यक्रम बीरेन्द्र चोकमा कोणसभामा परिणत हुनपर्व मोटरसाइकल ¥यालीले नगर परिक्रमा गरेको थियो । ¥यालीमा राजसंस्थाको पक्षमा र गणतन्त्रको विरुद्धमा नारा लगाइएको थियो ।