बेलायतका राजकुमारले जब नेपाल भ्रमणमा हातमा हथौडा लिएर काठमा बुट्टा भरे…

नेपाल दर्पण, भक्तपुर।

नेपाल भ्रमणमा रहेका संयुक्त अधिराज्य बेलायतका अधिराजकुमार डुयक अफ एडिनब्रा एडवार्ड भक्तपुर स्थित सरस्वती स्कुलमा हातमा हथौडा र ज्यावल समातेर काठमा बुट्टा भरेका छन । भक्तपुरको एक गल्लीमा परम्परागत शैलीमा रहेको नेपाल भोकेसनल एकेडेमीको आँगनमा अधिकांश कालिगडहरू काठमा बुट्टा भर्ने काममा तल्लीन रहेका बेला उनको ध्यान तेता केन्द्रित हुँदा उक्त काममा सहभागि भएका हुन ।

स्कुल भ्रमण रहका उनले कालिगडको कलामा आफू पनि सहभागी हुने चाहना व्यक्त गरेपछि कालिगडले कसरी कलात्मक काष्ठकला निर्माण गर्ने भनेर सिकाएका हुन । त्यसपछि अधिराजकुमारले हातमा हथौडा र ज्यावल समातेर काठमा बुट्टा खोप्न थालेका थिए । नेपाल भोकेसनल एकेडेमीका प्रमुख एवं सम्पदाविद् रवीन्द्र पुरीको निमन्त्रणमा भक्तपुरको ऐतिहासिक कलाकृतिको अवलोकन गर्न बेलायती राजदूत रोब फेन दम्पतीसहित भक्तपुर पुगेका उनले काष्ठकलामा बुट्टा भर्नुका साथै रुचिपूर्वक यहाँका कलाकृति अवलोकन गरे ।

एकेडेमीले पछिल्लो युवापुस्तालाई काष्ठकलादेखि मूर्तिकलाबारे तालिम दिएर सीप हस्तान्तरण गर्दै संरक्षण गरिरहेको एकेडेमीका प्रमुख एवं सम्पदाविद् पुरीले जानकारी गराए । अधिराजकुमार एडवार्डसहितको टोलीलाई पुरीले भक्तपुर दरबार स्क्वायरमा स्वागत गर्दै यहाँका ऐतिहासिक कलाकृतिबारे जानकारी गराएका थिए। त्यसपछि न्यातापोल (पाँचतले मन्दिर), नमूना घर, दत्तात्रय मन्दिरलगायतको अवलोकन गरी भोकेसनल एकेडेमी पुगेका थिए। उनले नागपोखरीस्थित वासुकी घरको समेत अवलोकन गरी भक्तपुरमा तीन घण्टाको भ्रमण सरे ।

यता, बेलायती अधिराजकुमारी डचेस सोफीयाले भक्तपुर अस्पतालको प्रसूति ‘वार्ड’को समेत अवलोकन गरिन् । अधिराजकुमार एडवार्ड र अधिराजकुमारी सोफीया छुट्टाछुट्टै कार्यक्रममा भक्तपुर आएका थिए । बुधबार नै सानोठिमीस्थित एसओएस बालग्रामको समेत अधिराजकुमार एडवार्डले अवलोन गरेका थिए । बेलायतका महारानी एलिजाबेथ द्वितीय र राजकुमार फिलिपबाट सन् १९६० र १९८६ मा नेपालको राजकीय भ्रमण भएको थियो ।