कविताः कसरी चिन्ने होला ?

आजभोलि मान्छेहरु
अगाडि पर्दा
हात जोड्छन
माया देखाउछन
सम्मान गरे झै गर्छन् ।
तर सामुन्नेबाट टाढिएपछि
आफ्नो स्वार्थ पूरा नहुने देखेपछि
अफवाह फैलाएर
शान्त तलाउमा ढुङा हान्दा रहेछन
मिठो बोल्नेहरु
लुकेको पापी स्वरुप देखाएर
पवित्र सम्बन्ध धुजा धुजा पार्न
मर्ने गरि खुट्टा तानेर
हृदयमा
छुरा धस्दा रहेछन् ।
त्यति धेरै चासो राख्नेहरु
किन कपटी होलान र ?
उसकै बारीको मकै
खाइदिए जस्तो
किन लखेटेका होलान्
बाँदर प्रवृत्तिका
कलुशित हृदयका
त्यी अनुहार जस्तै
कालो हृदय भएका
मान्छेरुपी तल्लो दर्जाका पशुहरुले !
कुरा काट्नै परे
चासो लिनै परे
दोष देखाउनै परे
गर्नुनि
अगाडि नि हिम्मत
भिजेका बिरालाहरुले
किन दुई चरित्र देखाएका होलान
कस्को अंश खाइदेको छ र !
खोजी निति गर्दै
सारीको धुलो झार्दै हिड्न ?
ए मैले इज्जत गरेका मान्छे हो
किन नाङ्गो हुन्छौ आफैं र?
आफ्नो चरित्र आफै खोलेर
खै कसरी चिन्नु आजभोलि
मान्छे,मान्छे नै हो कि
खै के पो हो…खाने पशु ?

गीता अर्याल,
काठमाण्डौं ।