दार्चुलामा जिप दुर्घटनाग्रस्तः ८ जनाको मृत्यु ७ घाइते
नेपाल दर्पण, काठमाडौं ।
एकाबिहानै दार्चुलामा जिप दुर्घटना हुँदा ६ जनाको मृत्यु भएको छ । मालिकार्जुनबाट गोकुलेश्वरतर्फ आइरहेको जिप आज बिहान ४ बजेतिर दुर्घटनामा परेको हो । दुर्घटनामा आठजनाको मृत्यु भएको छ भने सात जना घाइते छन् ।
दार्चुलाको शैल्यशिखर नगरपालिका–५, लेकगाउँका ३० वर्षीय वीरेन्द्र रावल, सोही ठाउँका २८ वर्षीया शान्ति रावल, शैल्यशिखर–९, नकतडका ४५ वर्षीय दिलीप विष्ट, बैतडीको डिलासैनी गाउँपालिका–५ का १५ वर्षीय सञ्जीव बोहरा, भारतको उत्तर प्रदेशस्थित विजनौर जिल्लाका ४५ वर्षीय मोहमद सफिर, सोही जिल्लाका १८ वर्षीय मोहमद बसिम, शैल्यशिखर–९, गोकुलेका ३५ वर्षीया मीना लेखक र डिलासैनी–५ का वीरेन्द्रसिंह बोहराको मृत्यु भएको दार्चुलाका प्रहरीले बताएको छ ।
दुर्घटनामा भारतको विजनौरका सुहिल साह, बैतडीको डिलासैनी–५ का उत्तम रोकाया, दार्चुलाको शैल्यशिखर–५ का सन्दीप रावल, सोही स्थानका प्रकाश रावल र मालिकार्जुन गाउँपालिका–८ निवासी जीपचालक सुनिल जोशी घाइते भएका छन् ।
मालिकार्जुन जात्राबाट गोकुलेश्वरतर्फ गइरहेको म१ज ३३८ नम्बरको जीप शुक्रबार (आज) बिहान करिब ४ बजे शैल्यशिखर–५, सिराडको खोलामा दुर्घटना भएको हो । जिप सडकबाट करीब १०० मिटर तल खसेको छ ।
