२५ जना सवार बस सिन्धुलीमा दुर्घटनाग्रस्त, दुई जनाको मृत्यु

नेपाल दर्पण, काठमाडौं ।
काठमाडौँबाट भोजपुर जाँदै गरेको यात्रुबाहक बस मदन भण्डारी राजमार्गअन्तर्गत सिन्धुलीको हरिहरपुरगढी गाउँपालिका–५ महेन्द्रझ्याडीस्थित भलखाडामा दुर्घटनाग्रस्त भएको छ । दुर्घटनामा दुईजनाको मृत्यु भएको छ भने अन्य घायल भएका छन ।

प्रहरीका अनुसार, बागमती प्रदेश ०१००६ ख ६७८५ नम्बरको बस दुर्घटना हुँदा दुई जनाको घटनास्थलमै मृत्यु भएको हो । सोमबार दिउँसो करिब पौने ३ बजेतिर बस दुर्घटनामा परेको थियो । बसमा लगभग २५ जना सवार रहेको प्रहरीले जनाएको छ ।

घाइते भएकाहरूलाई जिल्ला अस्पताल, कपिलाकोट र स्थानीय अस्पतालमा पु¥याइएको प्रहरीले जनाएको छ । दुर्घटनाबारे थप विवरण आउन बाँकी रहेको प्रहरीले जनाएको छ ।