गजल
यहाँ हुँदै हुन्न प्रगति के भो के भो
प्रायः घात बन्यो पिरति के भो के भो ।।
अनियन्त्रित हुन्छु रात ढल्किए पछि
छोडिन्न बिर्कोमा ओखती के भो के भो ।।
कस्तो, मन र मष्तिस्कको समागम
जल्छ यो मुटु भतभति के भो के भो ।।
कडा नै हुन्छन् दिल सफा हुनेहरु
हुदै हुन्न है सहमति, के भो के भो ।।
म किन अनवरत दुखी रहन्छु
रैछ समयकै ज्यादति के भो के भो ।।
यौवन र मृत्युको उत्सव हुदैछ
बुझिन कुरा अलिकति के भो के भो ।।
लोचन पाण्डे ‘फूलको थुँगा’
लम्किचुहा नपा तिघ्रि कैलाली ।
हालःमुम्बई । मोंः 9004594936
